ഗാന്ധിഭവന്‍ ഗുരുവന്ദനസംഗമം

മാനുഷികമൂല്യങ്ങള്‍ നശിക്കുന്ന സമകാലീന സാഹചര്യത്തില്‍ പ്രായമായമാതാപിതാക്കളെ തെരുവിലുപേക്ഷിക്കുന്ന പ്രവണതയ്‌ക്കെതിരെ യുവതലമുറക്ക്  അവബോധം നല്‍കുക എന്ന ലക്ഷ്യത്തോടെയാണ് ഗാന്ധിഭവന്‍ ഗുരുവന്ദനസംഗമപരമ്പരയ്ക്ക് തുടക്കം കുറിച്ചത്. 2015 ജനുവരി ഒന്നിന് മുഖ്യമന്ത്രി ശ്രീ. പിണറായി വിജയന്‍ ഉദ്ഘാടനം ചെയ്ത ഗുരുവന്ദനസംഗമ പരമ്പര ഒരു ദിവസം പോലും മുടക്കമില്ലാതെ ആയിരംദിവസങ്ങള്‍ പിന്നിട്ടിരിക്കുകയാണ്.
ഇന്നത്തെ സമൂഹത്തോടൊന്നടങ്കം മാതാപിതാക്കളെ ഉപേക്ഷിക്കരുതെന്നും, മാതാവും പിതാവും ഗുരുവുമാണ് കാണപ്പെട്ട ദൈവമെന്നും  പറയുന്ന ഗുരുവന്ദനസംഗമത്തില്‍ രാജ്യസ്‌നേഹവും മതേതരത്വവും കാത്തുസൂക്ഷിക്കുക, പ്രകൃതിയും ജലവും മലിനപ്പെടുത്തരുത്, ലഹരിപദാര്‍ത്ഥങ്ങള്‍ ഉപേക്ഷിക്കുക, അന്ധവിശ്വാസങ്ങള്‍ അനുവദിക്കരുത് എന്നീ സന്ദേശങ്ങള്‍ കൂടി നല്‍കുന്നു.

ഗാന്ധിഭവനിലെ നിത്യവും ഉള്ള മദ്ധ്യാഹ്നപ്രാര്‍ത്ഥനയ്‌ക്കൊപ്പമാണ് ഗുരുവന്ദനസംഗമം നടക്കുക. കേരളത്തിന്റെ വിവിധ ഭാഗങ്ങളില്‍ നിന്നുള്ള സ്‌കൂള്‍ കോളേജ് വിദ്യാര്‍ത്ഥികള്‍ അടക്കം നാല്‍പ്പതിനായിരത്തിലേപേരാണ് ഞങ്ങള്‍ മാതാപിതാക്കളെ ഉപേക്ഷിക്കുകയില്ലെന്ന ദൃഢനിശ്ചയവുമായി ഗാന്ധിഭവനിലെ ഗുരുവന്ദനസംഗമത്തില്‍ പങ്കെടുത്ത് മടങ്ങിയത്.

About the author

Leave a Reply