ഗാന്ധിഭവൻ സ്പെഷ്യൽ സ്കൂൾ

ഗാന്ധിഭവൻ സ്പെഷ്യൽ സ്കൂൾ

ഭിന്നശേഷിയുള്ള 218 കുട്ടികളാണ് ഗാന്ധിഭവന്‍ സ്‌പെഷ്യല്‍ സ്‌കൂളില്‍ പഠിക്കുന്നത്. മെന്റല്‍ റിട്ടാര്‍ഡേഷന്‍, സെറിബ്രല്‍ പാള്‍സി, ഓട്ടിസം തുടങ്ങി ഭിന്നശേഷിയുള്ളവരാണ് ഇവിടുത്തെ വിദ്യാര്‍ത്ഥികള്‍. ഗാന്ധിഭവനില്‍ നിരാലംബരായി എത്തിച്ചേര്‍ന്നവരും, 30 കിലോമീറ്ററിനുള്ളിലുള്ള പ്രദേശങ്ങളില്‍ നിന്ന് എത്തുന്നവരുമാണ് സ്‌പെഷ്യല്‍ സ്‌കൂളിലെ വിദ്യാര്‍ത്ഥികള്‍.ഇവര്‍ക്ക് പഠനപരിശീലനങ്ങളും സ്വയം ജീവിതാവശ്യങ്ങള്‍ നിര്‍വ്വഹിക്കുന്നതിനുള്ള അറിവുകളും തൊഴില്‍പരിശീലന പരിപാടികളും ഈ വിദ്യാഭ്യാസപദ്ധതിയില്‍ ഉണ്ട്.
 
കേരളസര്‍ക്കാര്‍ വിദ്യാഭ്യാസവകുപ്പ് എയ്ഡഡ് പദവി നല്‍കിയിട്ടുള്ള ഈ വിദ്യാലയത്തില്‍ സ്‌പെഷ്യല്‍ എഡ്യൂക്കേറ്റര്‍മാരും അദ്ധ്യാപകരും ആയമാരും ഉള്‍പ്പെടെ അറുപതോളം പേര്‍ ഇവരുടെ പരിശീലകരായി സേവനമനുഷ്ടിക്കുന്നു.കലാകായിക പരിശീലനങ്ങള്‍, കരകൗശലവസ്തുക്കളുടെ നിര്‍മ്മാണം എന്നിവയെല്ലാം ഇവരുടെ പഠനത്തിന്റെ ഭാഗമായുണ്ട്. വിനോദത്തിലൂടെയും ഉല്ലാസയാത്രകളിലൂടെയും വിജ്ഞാനം പകരാനുള്ള പദ്ധതികളും ഇവര്‍ക്കായി നടപ്പിലാക്കുന്നു. മുഴുവന്‍ വിദ്യാര്‍ത്ഥികള്‍ക്കും സൗജന്യഭക്ഷണം, പോഷകാഹാരങ്ങള്‍, കൃത്യമായ വൈദ്യപരിശോധന എല്ലാം ഉണ്ട്. വിദ്യാര്‍ത്ഥികള്‍ക്ക് സ്‌കൂള്‍ ബസ് സൗകര്യവും ഉണ്ട്. സ്‌കൂളിന്റെ പ്രവര്‍ത്തനങ്ങള്‍ക്ക് ശക്തിപകരാന്‍ സുശക്തമായ പി.ടി.എ. കമ്മറ്റിയും, സ്‌കൂള്‍ അഡൈ്വസറി ബോര്‍ഡുമുണ്ട്. പത്തനാപുരത്ത് കുണ്ടയം ഗാന്ധിഭവന് സമീപം പ്രവര്‍ത്തിക്കുന്ന സ്‌പെഷ്യല്‍ സ്‌കൂള്‍ വിദ്യാഭ്യാസമേഖലയ്ക്ക് ഒരു മാതൃകയായി പ്രവര്‍ത്തിക്കുന്നു.

അഡ്രസ്

ഗാന്ധിഭവൻ സ്പെഷ്യൽ സ്കൂൾ,
കുണ്ടയം P.O ,
പത്തനാപുരം,കൊല്ലം
Phone: +919605038000